Íþrótta- og Ólympíusamband Íslands og Samtök íþróttafréttamanna halda sameiginlegt hóf í tengslum við kjör Íþróttamanns ársins 2016. Hófið verður haldið annað kvöld, þann 29. desember, í Hörpu og hefst kl. 18:00. Dagskráin samanstendur af afhendingu viðurkenninga ÍSÍ til íþróttamanna og íþróttakvenna sem sérsamböndin hafa valið og kjöri Samtaka íþróttafréttamanna á íþróttamanni ársins 2016.
Vakin er athygli á því að afhending á viðurkenningum til íþróttafólks sérsambanda fer fram í beinni útsendingu á RÚV2 frá kl. 18:00. Bein útsending frá kjöri íþróttamanns ársins er svo venju samkvæmt kl. 19:40 á RÚV.
