52532796 2326820347329285 3532990984738570240 n

Á nýafstöðnu siglingaþingi sem var það 46. í röðinni var kjörinn nýr formaður Aðalsteinn Jens Loftsson.

Í stjórn voru kjörnir Áki Guðni Karlsson, Gunnar Geir Halldórsson, Ragnar Hilmarsson og Sigurjón Magnússon. Varamenn voru kjörnir Guðmundur Benediktsson, Marcel Mendes da Costa og Rúnar Þór Björnsson. Skoðurnarmenn reikninga voru kjörnir Gunnar Haraldsson og Ólafur Már Ólafsson.

Ársskýrslu SÍL má finna hér

stormur

Opnunarmóti kjölbáta 2018 sem halda átti í dag, laugardaginn 19. maí 2018, hefur verið frestað um óákveðin tíma vegna veðurs. Keppendur eru beðnir að fylgjast með vefsíðu Þyts fyrir nánari upplýsingar.

ulfurÚlfur H. Hróbjartsson var á nýafstöðnum aðalfundi Alþjóða siglingasambandsins (e. World Sailing, WS) tilnefndur í siðanefnd sambandsins. Úlfur, sem var formaður SÍL 2007-2016, hefur gegnt ýmsum trúnaðarstörfum á vettvangi siglingaíþróttarinnar, m.a. situr hann þróunar- og svæðisnefnd WS (Development and Regions Committee) og á síðasta ári var hann kjörinn á aðalfundi Norræna siglingasambandsins til að sitja sem annar af tveimur fulltrúum þess í ráði World Sailing (e. WS Council). Ljóst er að Úlfur hefur áunnið sér mikið traust á þessum vettvangi og er mikill ávinningur fyrir okkur að eiga svo öflugan fulltrúa sem hann er. Við óskum honum til hamingju með tilnefninguna.

unnureirarnardóttir

Á jólagleði og uppskeruhátíð SÍL fyrir árið 2017 voru að venju veitt verðlaun þeim sem skarað hafa fram úr á árinu.

Siglingamaður árins var kjörinn Björn Heiðar Rúnarsson og siglingakona ársins er Hulda Lilja Hannesdóttir. Siglingaefni ársins er Ísabella Sól Tryggvadóttir. Kayakmaður árins er Ólafur B. Einarsson og kayakkona ársins er Unnur Eir Arnardóttir.

SÍL hefur hlotið 600.000 kr. styrkveitingu úr Afrekssjóði ÍSÍ vegna afreksverkefna ársins 2017. 

Á þessu ári hefur SÍL tekið þátt í nokkrum erlendum verkefnum og enn eru nokkur eftir. Þessi verkefni felast m.a. í því að undirbúa þátttöku á HM í Árósum á næsta ári og stefnt er að því að eiga keppenda á Ólympíuleikunum 2020 í Tókýó. Verið er að vinna að því að efla afreksstarf sambandsins og er það m.a. þátttakandi í þróunarverkefni Alþjóða siglingarsambandsins sem nefnist "Emerging Nations Program". Styrkir sem þessir eru nauðsynlegir til að SÍL geti sent keppendur á erlend stórmót og þessi styrkur Afrekssjóðs ÍSÍ muni án efa efla sambandið enn frekar hvað varðar þátttöku í alþjóðlegu afreksstarfi.

Á myndinni eru Lilja Sigurðardóttir, formaður Afrekssjóðs ÍSÍ, og Jón Pétur Friðriksson, formaður SÍL, við undirritun samnings vegna styrksins.

 undirritun samnings

Subcategories