Forgjafir kjölbáta 2017
- Details
Nú styttist í vorið og þá er um að gera að sækja um endurnýjun forgjafar fyrir komandi keppnisár. Þeir sem voru með gilda forgjöf 2016 og 2015 hafa fengið tölvupóst með eyðublaði fyrir endurnýjun en þeir sem þurfa nýja forgjöf þurfa að fylla út ítarlegri umsókn. Einnig þarf að sækja um nýja umsókn ef gerðar hafa verið breytingar á bátnum eða seglum.
Hægt er að nálgast upplýsingar um umsóknir og mælingar hjá SÍL sem er umboðsaðili RORC Rating Office á Íslandi. Þar er einnig hægt að sækja árbók IRC fyrir árið 2017.
Siglingaþing 2017
- Details
Þann 25. febrúar síðastliðinn var haldið 44. Siglingaþing SÍL. Þingið var ágætlega sótt og má nefna að tvö nýstofnuð félög sendu fulltrúa og var vel tekið á móti þeim. Þessi félög eru Sjósportsklúbbur Austurlands sem stofnaður var á Eskifirði 2015 og Sigurfari - sjósportsfélag Akraness sem stofnað var í fyrra.
Nokkur endurnýjun var á stjórn SÍL. Nýir stjórnarmenn eru Andri Þór Arinbjörnsson og Ragnar Hilmarsson. Nýir varamenn voru kjörnir Ingvar Björnsson, Eyþór Agnarsson og Rúnar Þór Björnsson.
Á þinginu var samþykkt eftirfarandi tillaga um að SÍL marki sér stefnu um sjálfbærni:44. Siglingaþing 25. Febrúar 2017 felur stjórn Siglingasambands Íslands að marka sambandinu stefnu um sjálfbærni og leiðbeiningar fyrir aðildarfélögin til samræmis við þá stefnu, með hliðsjón af áherslu Alþjóða Ólympíu-hreyfingunnar og Alþjóða siglingasambandsins, World Sailing. SÍL fagnar þessari tillögu en eins og fram kemur í tillögunni hefur World Sailing markað sér mjög skýra stefnu í þessum málum og er vinna þegar hafin hjá SÍL við innleiðingu hennar.
Árskýrslu SÍL 2017 má nálgast hér.
Viðurkenningar fyrir árið 2016
- Details
Nú um helgina var haldin jólagleði og uppskeruhátið SÍL fyrir árið 2016. Að venju var veittur fjöldi verðlauna.
Siglingakona ársins: Hulda Lilja Hannesdóttir. Siglingamaður ársins: Þorgeir Ólafsson.
Sveinn Axel Sveinsson og Björg Kjartansdóttir voru kayakræðara ársins.
Jólagleði og uppskeruhátíð SÍL
- Details
Loksins er komið að því! Uppskeruhátíð SÍL verður haldin í hádeginu laugardaginn 17. desember í Cafe Easy, Íþróttamiðstöðinni Laugardal.
Page 40 of 50