Valmynd

Opnunarmót Kjölbáta fór fram um helgina

Details

Created: 23 May 2022

Opnunarmót Kjölbáta fór fram um helgina í boði Siglingaklúbbsins Þyts í Hafnarfirði. Siglt var frá Reykjavikur höfn til Hafnarfjarðar og tóku fjórir bátar þátt í keppninni. Fyrsti bátur kom í mark á 2 klukkustundum og 25 mínútum og var það Ísmolinn en með forgjöf endaði hann í öðru sæti.

Í fyrsta sæti var Sigurborgin úr Siglingafélaginu Ými og var Hannes Sveinbjörnsson skipstjóri voru þeir 5 umreiknuðum mínútum á undan Ísmolanum úr Siglingafélaginu Hafliða undir stjórn Gunnars Geir Halldórssonar.  Það voru svo Brokeyingarnir á Dögun undir stjórn Þórarins Stefánsssonar sem vermdu 3 sætið  rúmri 1 umreiknaðri mínútu á eftir Ísmolanum. Íris úr Siglingfélagi Reykjavíkur Brokey lenti svo í 4 sæti undir stjórn Arons Árnasonar

Tilkynningar um keppni

Details

Created: 16 May 2022

Komnar eru tilkynningar um keppni fyrir nokkru af mótum sumarsins. Hægt er að nálgast tilkynningarnar hér á síðunni undir hlekknum Mótahald og smella á blálitað nafn viðkomandi keppni. 

Hlekkur á Mótaskrá 2022

RS Aero Arctic Championship skráning hafin

Details

Created: 03 May 2022

Eins og áður hefur verið greint frá verður haldið alþjóðlegt siglingamót á Akureyri í sumar sem haldið er af Nökkva, SÍL og RS Aero klassanum. Keppt verður á RS Aero 7 bátum sem fluttir verða til landsins vegna mótsins. Búist er við keppendum víða að úr heiminum og hafa fjölmargar fyrirspurnir borist um mótið. Tilkynning um keppni hefur birst á heimasíðu RS Aero klassan þar sem skráning á mótið fer fram. Gert er ráð fyrir að keppnin standi í 3 daga en daginn fyrir mót verður æfingadagur þar sem þeim sem ekki þekkja til bátsins gefið færi á að kynnast bátnum og æfa sig fyrir mótið sjálft.  Gert er ráð fyrir að hámakri 40 keppendum og skipst verður á bátum út keppnina.  Nánari upplýsingar um keppnina, skráningu og tilkynnigu um keppni má finna á heimsíðu hennar https://www.rsaerosailing.org/index.asp?p=event&eid=2218