Nýtt merki SÍL
- Details
Siglingaþing starfaði með nýju sniði á laugardag og gekk afar vel fyrir sig. Í stað þess að nefndir starfi á þingu voru þær kosnar á síðasta ári og höfðu því möguleikann á að hittast fyrir þingið og fara vandlega yfir tillögur sem lágu fyrir þinginu og taka til þess þann tíma sem til þess þurfti. Það lágu svo sem ekki margar tillögur fyrir þinginu að þessu sinni en afgreiðslan gekk hratt fyrir sig. Lögð var fram skýrsla stjórnar og reiknginar auk þess sem samþykktar voru lagabreytingar og nýtt merki SÍL. Stefnan er tekin á áframhaldandi uppbygginu á fræðslustarfi og menntun þjálfar og keppnisstjórna á árinu. Gunnar Haraldsson var endurkjörinn formaður og flestir stjórnarmenn gáfu kost á sér til áframhaldandi setu og mun stjórnin skipa með sér verkum á næsta fundi. Ný í vara stjórn er Susanne Möckel ræðari úr Kayakklúbbnum. Eins og minnst var á hér að framan var samþykkt nýtt merki SÍL sem byggir á litum og formum úr gamla merkinu. Hönnuður er Björn Jónsson Grafískur hönnuður og siglingamaður. Með lagabreytingu þingsins opnuðust möguleikar á nýju merki og nútímalegu sem hægt er að aðlaga að mismunandi notum þess. Hér eftir fylgja myndir af merkinu í mismunandi útfærslum
51. Siglingaþing
- Details
Í dag verður haldið 51. Siglingaþing SÍL. Þingið verður með hefðbundum hætti og haldið í íþróttamiðstöðinni Laugardal. Skýrsla stjórnar liggur fyrir og er hægt að nálgasthana hér. Það er ekki margt sem liggur fyrir þinginu, fjallað verður um mótaskrá komandi sumars og drög að næsta sumri l
ögð. Ein lagabreyting liggur fyrir og um að fella út ákvæði um merki SÍL úr lögum. Nánar veðrur fjallað um þingið eftir að því er lokið og samþykktir ligga fyrir.
51. Siglingaþing verður haldið 24. febrúar
- Details
Siglingaþing hefur verið boðað þann 24. febrúar og verður haldið í Íþróttamiðstöðinni Laugardal. Hvert aðildar félag SÍL hefur rétt á þremur fulltrúm á þinginu. Þingið verður með nýju sniði þetta árið en eftir lagabreytingar þá starfa nefndir SÍL nú á milli þinga og starfa því ekki í þinghléi. Þannig gefst þeim lengri tími til að fara yfir þau mál sem liggja fyrir þinginu og skila áliti í samræmi við það.
Siglingafólk ársins 2023
- Details
Áramót Ýmis fór fram á gamlársdag eins og hefð er fyrir, ekki gafst færi á að setja báta á flot og hafa hefðbunda keppni þar sem kalt var og Fossvogin hafði lagt. Eigi að síður var góð mæting enda hefur siglingafólk gaman af því að hittast og ræða málin. SÍL nýtti tækifærið til að verðlauna Siglingafólk ársins veita Íslandsbikarinn og efnilegasta siglarann. Hólmfríður Gunnarsdóttir Brokey var útnefnd siglingakona ársins og Sigurður Haukur Birgisson var útnefndur Siglingamaður ársins. Mahaut Ingiríður Matharel Nökkva var útnefnd Siglingaerefni ársins. Við útnefningar var horft til frammistöðu og ástundunar á árinu. Það var svo áhöfnin á Dögun sem vann Íslandsbikarinn í ár.
Page 4 of 55