Gott málþing SíL
- Details
Siglingasamband Íslands stóð fyrir málþingi í byrjun mánaðarins í húsakynnum Þyts í Hafnarfirði. Gunnar Haraldsson formaður setti þingið og kynnti til leiks þrjá fyrirlesara sem fjölluðu þeir allir um málefni tengd starfsemi íþróttafélaga. Jón Reynir Reynisson sérfræðingur á stjórnsýslusviði ÍSÍ hélt erindi um fyrirmyndafélaga ÍSÍ og hvernig það nýtist við stjórnun Íþróttafélaga og auðveldar alla vinnu með stöðluðum vinnubrögðum og handbókum. Um er að ræða frábært verkefni af hálfu ÍSÍ sem nýtist í starfi allra íþróttafélaga. Að loknu erindi Jóns spunnust góðar umræður uns Þóra Gunnarsdóttir frá Skautasambandi Íslands hélt erindi um sjálfboðaliða, hvernig standa á að því að finna þá, halda utan um starf þeirra og halda þeim ánægðum í starfi. Erindi Þóru var einstaklega áhugavert enda hefur hún langa reynslu í að starfa með sjálfboðaliðum sem sjálfboðaliði. Var hún meðal annars tilnefnd til íþróttaeldhugans árið 2022. Eftir miklar umræður um sjálfboðaliðann tók Vésteinn Hafsteinsson Afreksstjóri ÍSÍ við og fjallaði um afreksstarf og hvað þarf til til að skapa rétta umgerð utan um afreksstarf. Erindi Vésteins var afar vel tekið og upplýsandi fyrir siglingafélögin. Gerður var góður rómur að framtaki SÍL og vonast er eftir fleiri slík þing verði haldin í framtíðinni.
Vel heppnað þjálfaranámskeið
- Details
Siðustu fjóra daga hafa 19 umgmenni sótt þjálfaranámskeið SÍL. Námskeiðið er fyrsti liður í innleiðingu á nýju þjáfaramenntakerfi SÍL. Gunnar Hlynur Úlfarsson og Ísabella Sól Tryggvadóttir leiddu námskeiðið en þau hafa verið undir leiðsögn Rob Holden fyrrum þróunarstjóra World Sailing til að undirbúa námið. Nemendur voru úr 5 siglingafélögum og stoðu sig með prýði. Meðfylgjandi eru nokkrar myndir.
Þjálfaranámskeið 1. stig
- Details
SÍL gengst fyrir þjálfaranámskeiði fyrir kænu leiðbeinendur dagana 25.-28. apríl næstkomandin Leiðbeinendur á námskeiðinu verða Isabella Sól Tryggvadóttir og Gunnar Hlynur Úlfarsson undir leiðsögn Rob Holden.
Námskeiðið verður haldið í húsakynnum ÍSÍ við Engjaveg 6 í Laugardalnum í Reykjavik. Verð á námskeiðið er Íkr 26.000,- og skráning fer fram rafrænt HÉR.
Frekari upplýsingar er hægt að fá með að senda fyrirspurninir á skrifstofu SÍL This email address is being protected from spambots. You need JavaScript enabled to view it.
IRC- forgjöf opið fyrir umsóknir
- Details
Nú er örstutt í að siglingasumarið hefjist og tími kominn til að sækja um forgjöf eða endurnýjun á henni. Til að endunýja forgjöf þarf að fylla út revalidaion form sem hægt er að finna hér og senda á SÍL This email address is being protected from spambots. You need JavaScript enabled to view it.
Þeir sem eru að sækja um endurnýjun á forgjöf þurfa aðeins að setja inn breytingar sem orðið hafa á bátnum ef einvherjar hafa verið gerðar. Vegna breytinga á reglum þurfa allir að tilgreina fjölda framsegla og hvort þau séu á rúllu eða stagfest.
Þeir sem eru að sækja um fogjöf í fyrsta sinn hafi samband við siglingasambandið This email address is being protected from spambots. You need JavaScript enabled to view it. og við munum aðstoða ykkur við umsóknarferlið.
Nánari upplýsingar um forgjöfina má finna á heimasíður RORC rating. https://ircrating.org/
Page 4 of 56